लेखन / कथन / चित्रण

‘एकोपा’ आवाहन

‘एकोपा’साठी आपले अप्रकाशित मराठी साहित्य वा कलाकृती पाठवण्याचे आवाहन समस्त मराठी लेखक, कवी, चित्रकार, व्यंगचित्रकार आणि छायाचित्रकार यांना करण्यात येत आहे. हे सेवाभावी प्रकाशन आहे म्हणून प्रसिध्द झालेल्या साहित्यासाठी आर्थिक मोबदल्याची अपेक्षा नसावी.

‘एकोपा’साठी अपेक्षित साहित्य:

कथा, माहितीपर लेख, विनोदी लेख, निबंध, आठवणी, नाट्यछटा

चुटके, स्फुटें, संकीर्ण उपयुक्त माहिती

कविता आणि

चित्रें, व्यंगचित्रें, छायाचित्रें.

कशासाठी? कोणासाठी?  विदेशी मराठी जनांचा शेजार राखणे हे ‘एकोपा’चे उद्दिष्ट आहे. म्हणजे आपल्याला मराठी कुटुंबांसाठी हे प्रकाशन करावयाचे आहे. त्यात पुढची पिढी आलीच.

विशेष सूचना: अवाच्या सवा लांबीमुळे न वाचले गेलेले लेखन निष्फळ ठरते. म्हणून पहिला मसुदा आपणच सफाईचा हात फिरवून आटोपशीर करावा हे उत्तम. आपला लेख वा कविता प्रकाशनास सिध्द करताना संपादकांच्या सूचनांप्रमाणे बदल करण्याची किंवा पुन्हा लिहिण्याची तयारी ठेवावी. आलेले साहित्य वाचनीय, रंजक आणि निर्दोष करण्याची जबाबदारी संपादकांवर असते त्यात आपण सहकार्य करावे ही अगत्याची विनंती.

काय लिहितां येईल? आपले विविध प्रकारचे अनुभव नोंदवल्यास ते ‘एकोपा’साठी विचारात घेतां येतील. कित्येक मंडळींना व्यवसायामुळे किंवा व्यासंगामुळे विशेष ज्ञान प्राप्त झाले आहे ते भावी पिढीसाठी नोंदवून ठेवणे महत्त्वाचे आहे. विशेषतः भारताच्या व आपल्या धर्माच्या इतिहासातल्या नक्की माहीत असलेल्या घटना, आज माहीत झालेल्या इतर पुराव्यांबरोबर पडताळून, पूर्वजभक्तीच्या आहारी न जातां, नोंदवणे आज आपल्या हातांत आहे. ते केल्याने आपल्या इतिहासाची खात्रीशीर माहिती मिळण्यासाठी पुढच्या पिढीला इतरांकडे पाहण्याची वेळ येणार नाही. आपले पिढीजात ज्ञान नोंदवणे आज आपल्या हातात असूनही केले नाही तर ती मोठीच घोडचूक होईल.